युग जागरण न्यूज़ नेटवर्क
सत्यनाम के धरम धजा फहराइस हे
जग मे अमरौतीन के भाग जगाइस हे
अइसे संत ह सत के नाम जगावत हे
मानवता के दर्शन जग ला करावत हे
मानव ला मानव संग़ एका करावा के
छुआछुत के भेद जगत के मेटवा के
इंसानियत के भावना ला जगावत हे
मानवता के दर्शन जग ला करावत हे
सत के झंडा अउ सत के पताका ला
सादा जीवन अउ सत के महिमा ला
जेहा चारोमुड़ा ननपन ले बगरावत हे
मानवता के दर्शन जग ला करावत हे
दाई-ददा के जेहर नाम जगाइस हे
मानवता के जेहर भेद ल बताइस हे
अपन करम ले गुरुबाबा कहाइस हे
मानवता के दर्शन जग ला करावत हे
गिरोदपुरी जेकर सुघघर धाम बने हे
जेकर मिनार जगत मा सबले बढ़े हे
जेहा घासीदास के महिमा बतावत हे
मानवता के दर्शन जग ला करावत हे
रचनाकार
प्रमेशदीप मानिकपुरी
आमाचानी धमतरी छ ग
9907126431
